E quén veñen sendo estas personaxes
(Detalle do grupo de personaxes)
Sesión 17. Bicando Terra.
— Perspectiva de Kanelitah —
Despóis da súa aventura nas alturas arácnicas, os nosos aventureiros dispuxéronse a continuar coa viaxe. navegando a través de lago escuro con Oroko valentemente ao mando, ata atopar unha illa onde pensaron poder reabastecernos. A sorte non estivo con eles, xa que a rocha estaba marcada como territorio dunha saga, e os seus pobres intentos en recolectar algo de auga resultaron en Kanelitah vendo un monstro nun caldeiro e quedando traumatizada.
Volveron rápidameente ao barco e continuaron a suá viaxe, turnándose para descansar e navegar. Nun momento dado, os aventureiros foron atacados polas mantas que se desprenderon do teito. A loita foi sinxela, pero Silge descrubriu que no seu brazo apareceran unhas marcas similares ás do rostro de Sarith. Un síntoma da sífilis da infraescuridade? Quén sabe! Moito se falou tamén no barco do curso que debían tomar unha vez chegados á cidade duergar. O mediano que rescataran, Fargas, insistía no seu interés en visitar a tumba de Kaen. Buppido, que antes dixera ser propietario dunha mansión, tamén parecía ter moito interés nestes cartos.
Mentres tanto, Sarith, nun momento de lucidez, tratou de convencer a Kanelitah de que vender a Fargas como escravo no estaría fora do razoable… algo que lle deu que pensar. Pola súa parte, Hemeth, que perdeu a confianza do grupo, tamén trata de facer argumentos por entrar directamente na cidade sin pasar pola tumba, esgrimindo como razón que criaturas tales como Farlee, Fargas, ou Silge poden acadar un prezo considerable no mercado. Kanelitah só quere unha cervexa. Breina e Oroko mostran preferencia por pasar primeiro pola tumba a facer caixa, xa que as restriccións das cidades duergar poderíanse ver relaxadas ante aqueles cuxa carteira teña un peso considerable. Tras unha votación, o grupo decídese por este camiño. Farlee, nun acto de amabilidade que será recordado por séculos, ofrécelle a Kanelitah algo de alcohol destilado.
Finalmente, os nosos exhaustos heroes chegan a terra e atopan un regato onde saciar a súa sede. Para descansar e recuperarse da viaxe, botan unha noite no barco. Un trío de goblins achégase durante a garda de Jimjar, e gracias a un feitizo, Farlee consigue discernir que se trata de 3 escravos fuxidos que queren roubar o barco para escapar. Tras unha conversa de besugos con Kanelitah, fuxen asustados pensando que o grupo quería devoralos. Pobriños.
Ao despertar, o grupo decide deixar o barco só, xa que 2 persoas non poderían gardalo adecuadamente, e buscan algo de comida para continuar a viaxe cara a Tumba.
Durante a noite seguinte, Sarith esperta a Silge para advertirlle de que un Mindflayer está conversando tranquilamente con Fargas. Esto parece ser certo. Logo dun breve ataque de pánico, Silge recobra a compostura e ten unha charla moi civilizada con esta amigable criatura, e dispóñense a despertar ao grupo para acer presentacións.
NPCs
[As imaxes amosadas a continuación son as que empreguei na campaña privada pero teñen os seus lexítimos dereitos, indico aqueles das que atopo a autoría. Os sexos e xéneros das criaturas poden non coincidir cos da campaña orixinal xa que aplico certos criterios na miña dirección como máster]
Ver o listado de sesións: Diario de Sesións – Furia Demoníaca